స్మృతి

చందమామ రావయ్యా..

2009-12-14T18:55:00.000-08:00

ఒక తెలుగు పాట ను చాలా దేశాల musicians కలిసి పాడితే ఎలా ఉంటాది ? ఇది సినిమా పాట కాదు. Playing for change అని world peace కోసం చాలా దేశాల musicians తో పాటలు చేయడం ఈ ప్రాజెక్ట్. ఐతే వీళ్ళు ఎవరూ ఒకరినొకరు ఇంతకుముందు ఎప్పుడూ కలవలేదట. ఇందులో ఒక తెలుగు పాట కూడా వుంది. ఇది తెలుగు పాట అని producers కి కూడా తెలీదు అనుకుంటా. Indian folk song అని వుంది. కానీ ఈ youtube వీడియో చూడండి ఎంత బావుందో ..

కిక్

2009-09-19T18:28:00.000-07:00

ఆ మధ్య హిట్ అయ్యిందంటే ఈ సినిమా DVD నిన్న తెచ్చుకొని చూసా. సినిమా మొదట రవితేజ సినిమాల్లాగా కాస్త అల్లరి చిలరిగా వున్నా entartainment తో కాస్త బానే వున్నట్టనిపించింది. తర్వాత మలేషియా, ముసుగు దొంగ ఇలా ట్విస్టులు మొదలయ్యేసరికి కిక్కు మొత్తం దిగిపోయింది. మన సినిమా డైరెక్టర్ల టాలెంట్ ఎక్కడ అంటే నాలుగు సినిమాల్లో ఒక్కో పాయింట్ తీసుకొని, కాస్త అటూ ఇటూ తిప్పి, కొంచెం మసాలా, కొన్ని జోకులు తగిలించి మన మీదికి వదలడము. హీరోయిన్ చేత బూతులు మాట్లాడిన్చడము కొత్తరకము ఫాషన్ అనుకుంటా.మనము అవి చూసి హిట్టు చేయడము. Dhoom2, జెంటిల్మన్ ఇలా కొన్ని సినిమాలను మిక్సీ లో వేసి బయటకు తీస్తే వచ్చిన సినిమానే కిక్కు.

'జగన్' మన కాబోయే ముఖ్యమంత్రి?

2009-09-05T15:29:00.000-07:00

It is said that "Leadership is action, not position." నాయకత్వమంటే చేతలు . అదో పదవి కాదు. Y.S. రాజశేఖర రెడ్డి దీన్ని అక్షరాల నిరూపించాడు.Actions speak louder than words. ఇంత మంది అభిమానుల్ని తన మాటలతో కంటే తను చేసిన పనులతో సంపాదించుకున్నాడు. రైతులకు ఈ మధ్యకాలంలో ఇంత చేయూతనిచ్చిన నాయకుడు ఎవరూ లేరేమో. రాజశేఖర రెడ్డి మృతి తో ఒక అలుపెరుగని నాయకుణ్ణి కోల్పోయాము. ఐతే దురదృష్టవశాత్తు రాజశేఖర రెడ్డి అంత్యక్రియలు కూడా ముగియకుండానే కాంగ్రెస్ పార్టీలో అంతఃకలహాలు మొదలయ్యాయి. ఒక వర్గం కాంగ్రెస్ నాయకులూ, మంత్రి వర్గం , జగన్ మోహన్ రెడ్డి ని ముఖ్యమంత్రి ని చెయాలని తీర్మానించారు. రాజశేఖర రెడ్డి మీద అభిమానం తో జగన్ ని ముఖ్యమంత్రి చేయాలనుకోవడం ఎంతవరకు సబబో అర్థం కావడం లేదు. ముఖ్యమంత్రి పదవి అనేది వంశపారపర్యం గా వచ్చేది కాదు కదా. Jagan కూడా రాజశేఖర రెడ్డి లాంటి నాయకుడు ఐతే ఆనందించాల్సిన విషయమే. ఐతే He has to prove his mettle before he claims this postion కదా . రాజశేఖర రెడ్డి కూడా దశాబ్దాలపాటు కష్టపడితేనే ఇక్కడికి చేరుకోగలిగాడు. 8 కోట్ల ప్రజలను పాలించాల్సిన నాయకుడు తన నాయకత్వాన్ని నిరూపించుకోవలసిన అవసరం వుంది కదా. ఇది నా వ్యక్తిగత అభిప్రాయం మాత్రమే. మీరేమంటారు?

అద్రృశ్యమయిన Y.S.రాజశేఖర రెడ్డి హెలికాప్టర్

2009-09-02T19:05:00.000-07:00

వాతావరణం కారణంగా ఆంధ్రప్రదేశ్ ముఖ్యమంత్రి Y.S. రాజశేఖర రెడ్డి హెలికాప్టర్ కనిపించకుండా పోవడంతో ఆంధ్రప్రదేశ్ దాదాపు స్థంబించిపోయింది. సాధారణంగా కాంగ్రెస్ ప్రభుత్వం లో వ్యక్తిగత ప్రతిభ తో ప్రజల్లో గుర్తింపు తెచ్చుకోవడం రాజశేఖర రెడ్డి విజయమే. రాజశేఖర రెడ్డి కోసం గాలింపు గురించి వార్తల కోసం సాక్షి ఛానల్ ఇక్కడ చూడండి.

రోజూ ఇండియా కు ఫ్రీ ఫోన్ కాల్

2009-08-26T11:49:00.000-07:00

రోజూ ఇండియా కి ఫోన్ చేయాలంటే 1-800-free-411 ( US లో మాత్రమే ) కి ఫోన్ చేయండి. అందులో ఒక option ఫ్రీ ఫోన్ కాల్. అది సెలెక్ట్ చేసుకుంటే 30 sec Ad విన్న తర్వాత 5 min ఫోన్ కాల్ చేయోచ్చు. ఓపిక వుంటే మళ్ళీ అదే నంబర్ కి కాల్ చేసి 5 mins మళ్ళీ మాట్లాడొచ్చు. ఈ ఫ్రీ 411 , US లో ఫ్రీ టెలిఫోన్ డైరెక్టరీ గా కూడా పనికొస్తుంది. ఇండియా కి కాల్ క్వాలిటీ ఓ.కే. ఫ్రీ గా వస్తే ఫినాయిల్ కూడా బావుంటాది కదా :)
Swagbucks తో పిచ్చి searches చేసినందుకు ఫ్రీ గిఫ్ట్ కార్డ్స్ , ఇప్పుడు ఫ్రీ ఫోన్ కాల్ బావుంది కదా. Swagbucks గురించి నా రివ్యూ ఇక్కడ.

మారుతున్న ఇండియా.

2009-07-09T13:29:00.000-07:00

ఈ మధ్య NewYork times లో ఇండియా మీద ఒక ఇంటరెస్టింగ్ article చూసా . అది రాసినది ఒక అమెరిక లో పుట్టి పెరిగిన భారతీయ సంతతికి చెందిన రిపోర్టర్. చైనా తర్వాత అంత ఫాస్ట్ గా అభివృధి చెందుతున్న దేశం మనది అని అందరికీ తెలుసు. మరి ఈ అభివృధి మన మనస్తత్వం పై ఎలాంటి ప్రభావం చూపిస్తున్నది అని ఈ ఆర్టికల్. ఈ రచయిత ప్రకారం మనలో మన పై కాన్ఫిడెన్స్ పెరుగుతోంది అని. ఇది తప్పకుండ ఆనంద పడాల్సిన మార్పే.

అందులో నాకు బాగా నచ్చిన phrase:

It is a milestone in any nation’s life when leaving becomes a choice, not a necessity.

ఈ ఆర్టికల్ మొత్తం ఇక్కడ చదవండి.

swagbucks తో free గిఫ్ట్ కార్డులు

2009-06-29T19:47:00.000-07:00

sగూగుల్ అంత విలువయిన కంపనీ ఎందుకంటే మనం గూగుల్ సర్చ్ చేసి వాళ్ళకు డబ్బులు తెప్పిస్తాము కాబట్టి. కాని సర్చ్ చేసినందుకు మనకూ డబ్బులు వస్తే? ఇలాంటి కాన్సెప్ట్ తో వచ్చినదే swagbucks. మనం సర్చ్ చేసినప్పుడు swagbucks అని కలెక్ట్ చేసుకోవచ్చు. ఈ bucks తో మనం గిఫ్ట్ కార్డులు కొనుక్కోవచ్చు. ఐతే సర్చ్ చేసిన ప్రతిసారీ కాకుండా random గా ఈ swagbucks వస్తాయి. వీళ్ళ సైట్ ప్రకారం మన search results గూగుల్ నుండే వస్తాయని అంటారు. నిజంగానే ఫ్రీ గిఫ్ట్ కార్డ్స్ వస్తాయా అంటే. నిజమే. కాకపోతే ఈ సర్చెస్ తో బిల్ గేట్ కాలేము. వాళ్ల widget డౌన్ లోడ్ చేసుకొని అప్పుడప్పుడు సర్చ్ చేస్తే ఈ bucks వస్తాయి. 45 swagbucks తో $5 amazon గిఫ్ట్ కార్డ్ తీసుకోవచ్చు. నాలాగా రోజు మీరు ఏదో ఒకటి సర్చ్ చేస్తూవుంటే అప్పుడప్పుడు $5 గిఫ్ట్ కార్డ్స్ వస్తాయి అనుకోవచ్చు. నా observation ప్రకారం రోజుకు 3-4 swagbucks random గా వస్తాయి. ఒక్కోసారి సర్చ్ రెండు లేక మూడో పేజి లో ఇవి వస్తాయి. ఇంకా interesting గా చేయడానికి ఫ్రీ గిఫ్ట్ కోడ్స్ ఇస్తారు . అవి swagbucks webpage, facebook,twiiter ఇలా different లో పెడుతారు. ఇవి ఫాలో చేయడానికి swagcodes.com అనే వెబ్ సైట్ కూడా వుంది. మీ ఫ్రెండ్స్ ని రిఫర్ చేస్తే వల్ల మొదటి 100 bucks మీకు కూడా మ్యాచ్ చేస్తారు. నా వరకు ఇప్పటికి ఓ $ 50 వరకు వచ్చింది నేను చేసే పిచ్చి సర్చెస్ తో. మీరు కూడా ట్రై చేయాలనుకుంటే క్రింది బ్యానర్ ని క్లిక్ చేసి రిజిస్టర్ చేసుకోండి. మొదటి ౩ bucks free గా ఇస్తారు.
Update: ఈ పోస్ట్ చేసిన తర్వాత నేను గమనించింది ఏమంటే మన IP address ని బట్టి ఎన్ని గంటల తర్వాత swagbucks వస్తాయో డిసైడ్ చేస్తారు అనుకుంటా. ఒకే కంప్యూటర్ నుండి సర్చ్ చేస్తే 5-6 గంటల తర్వాత swagbucks మళ్ళీ వస్తాయి. కాని డిఫరెంట్ ప్లేస్ నుండి సర్చ్ చేస్తే వెంటనే అయిన swagbucks వస్తాయి. ఇంట్లో వచ్చిన, ఆఫీసు లో మళ్ళీ వచ్చే అవకాశం వుంది అన్నమాట .

World twenty 20 లో India

2009-06-19T20:02:00.000-07:00

అప్పుడెప్పుడో క్రికెట్ గురించి ఒక పోస్ట్ చేసి కాస్త ఒళ్ళు బద్ధకం ఎక్కువయ్యి మళ్ళీ రాయలేదు. కానీ మళ్ళీ మన వల్ల world cup performance చూసాక మళ్ళీ రాయాలనిపిస్తోంది. సెమీస్ కి కూడా చేరుకోలేకపోవడం బాగా బాధించే విషయం. కర్ణుడి చావుకి చాలా కారణాలు వున్నట్టు మనవాళ్ళ ఓటమికి కూడా చాలానే.
BCCI ఓటమికి కారణాలు కనుక్కుంటుందో లేదో కాని నాకు తోచినవి కొన్ని:
IPL తర్వాత world cup కి మధ్య చాలా తక్కువ సమయం వుంది. చాలా మంది మన ప్లేయర్లు IPL లో ఆడి కాళ్ళు,చేతులు ఇంచుకున్నారు. మిగతావాళ్ళు IPL మీద బాగా శ్రద్ధ పెట్టి అలసిపోయారు. మరి BCCI మాత్రం అలసిపోయిన వాళ్ళు ఆడకుండా వుండాల్సింది అంటారు. చాలా గొప్ప ఐడియా నే.
IPL అంటేనే డబ్బులు. players, BCCI అందరికీ మిలియన్ల డాలర్లు వస్తే దేశం కోసం ఎందుకు ఒళ్ళు వంచాలనిపిస్తుంది? ప్రపంచం లోనే richest leagues in baseball and basket ball వుండి కూడా USA మిగతా దేశాలతో ఆడేటప్పుడు ఎందుకు ఓడిపోతుందో ఇప్పటికైనా అర్థమయి వుండాలి.
కొన్ని విజయలకే తలకి పొగరెక్కి ఇష్టమొచ్చినట్టు ప్రవర్తించే ధోని లాంటి వాళ్ళని ఏమనాలి?
క్రికెట్ మీద పిచ్చి తో BCCI ని, ప్లేయర్స్ ని నెత్తికి ఎక్కించుకొనే మనల్ని కూడా ఆమాట అనుకుంటే సరిపోతుంది.

క్రికెట్ నియంతలు

2009-04-16T18:25:00.000-07:00

స్పైడర్ మాన్ సినిమా చూసిన అందరికీ గుర్తుండే ఒక కొటేషన్ వుంది "With great power comes great responsibility" అని . దీన్ని మన BCCI పెద్దలకు గుర్తు చేయాలనుకుంటా. క్రికెట్ ప్రపంచం లో ఇండియా influence రోజురోజు కీ పెరిగిపోతోంది. ఎందుకంటే క్రికెట్ అంటే మనకు అంత అభిమానం. మన అభిమానం BCCI కి పెట్టుబడి. మరి మన influence ని చూసి సగటు క్రికెట్ అభిమాని ఆనంద పడకుండా బాధ పడవలసి రావడం దురదృష్టకరం. ఇందుకు కారణం మన క్రికెట్ కంట్రోల్ బోర్డ్ ని నడుపుతున్న పెద్దలే. వాళ్లు చెప్పిందే వేదం. ICL లో ఆడే ఆటగాళ్ళని ఏ దేశం జట్టులో తీసుకోకూడదు అంటే అందరూ తలలు ఊపారు. IPL మొదటి సీజన్ హిట్ అవడంతో వాళ్ళకి అడ్డేలేదు. IPL రెండో సీజన్ కి ఎలక్షన్స్ అడ్డమని ప్రభుత్వం అంటే నియంతలకు కోపం వచ్చేసింది. మీ సెక్యురిటీ ఎవరికీ కావాలీ, మీ ప్రేక్షకులు ఎవరికి కావాలీ అని సౌత్ ఆఫ్రికాలో పెట్టేసారు. T.V లలో చూసే మహత్తర అవకాశం కల్పిస్తున్నాం కదా అని సెలవిచ్చారు. కరెక్టే అసలు మాచ్ చూడటానికి జనాలు ఎందుకు అవసరం? పెద్ద ఇండోర్ స్టేడియం లో ఎవరూ లేకుండా మాచ్ లు పెడ్తే సెక్యురిటీ ఖర్చే వుండదు కదా. మన లలిత్ మోడీ గారి బిజినెస్ బుర్ర కి ఇంకా ఈ ఆలోచన తట్టినట్టులేదు. అధికారం చేతిలో వున్న ప్రతి ఒక్కరికీ మనం లోకువే కదా. క్రికెట్ మధ్యలో వచ్చే సోపులు,బ్లేడులు,డ్రింక్స్ ఆడ్స్ చూసి , కొని ఈ నియంతల ఖజానులు నింపుదాం. ప్రీతి జింటా hug లు , షారుక్ గారి విన్యాసాలు చూసే టైం అయ్యింది .సెలవు మరి.It can happen only in India.

నమ్మకం పోగొట్టుకోవడం ఎలా ?

2009-03-28T15:19:00.000-07:00

రామోజీ రావు గారిని అడిగితే బాగా చెప్తారు అనుకుంటా . రాష్టం లో అత్యధిక సర్కులేషన్ కల పత్రికాధిపతి గా ఎంతో భాద్యత గల రామోజీ రావు గారు Y.S. రాజశేఖర్ రెడ్డి గారితో వ్యగ్తిగత పోరు కు ఈనాడు ను వాడుకోవడం చూస్తే భాధ వేస్తుంది. ఎప్పటినుండో తెలుగుదేశం పార్టీ కి అనుకూలంగా వున్నా మరీ ఇంత దిగజారుడు చూడలేదు. ఈ 5 సంవత్సరాలలో ఈనాడు లో వంద శాతం అధికార పార్టీ కి వ్యతిరేకంగా వార్తలే . Y.S.R కొడుకు జగన్మోహన్ రెడ్డి "సాక్షి" పత్రిక స్థాపించాక ఒకరిపై ఒకరు బురద జల్లుకోవడం తో పత్రికలు నిండిపోయాయి. వీళ్ళ గొడవలు చదవడానికి మనం ఎందుకు డబ్బులు పెట్టి పేపర్ కొనలో అర్థం కాదు. ఏమయినా ఈనాడు పేపర్ credibility మొత్తం నాశనం అయినట్టే. ఆ పేపర్ వాళ్లు రాస్తున్నారు కాబట్టి మేమూ రాస్తున్నాం అనడం సమర్థనీయ వాదన కాదు. NRI లలో ఎక్కువమందికి YSR
ప్రభుత్వం మీద అంత మంచి ఒపీనియన్ లేదేమో అని నేను ఇండియా లో ఓ ఫ్రెండ్ తో అంటే మీరు online లో ఈనాడు చదువుతారు కదా అందుకే అలా అనిపిస్తుందిలే అన్నాడు. నాకు కూడా అది ఒకవిధంగా నిజమేనేమో అనిపిస్తుంది. వార్త
కి నిష్పాక్షికత చాలా అవసరం కానీ మనం వున్న ఈ ప్రపంచం లో వాళ్లు చెప్పేదే వార్త. వినేవాళ్ళం మనమే వెర్రి మాలోకాలము.

రోజూ India కి free గా ఫోన్ చేయండి

2009-03-20T19:46:00.000-07:00

మీకు ఇంటర్నెట్ ఉంటే మీ కంప్యూటర్ నుండి రోజూ 10 నిమిషాలు ఫ్రీగా ఇండియా కి ఫోన్ చేయొచ్చు. ఫ్రీ అంటే నిజంగా ఫ్రీ నా అని డౌట్ రావొచ్చుమీకు. నిజంగానే ఫ్రీ కాకపోతే ఫోన్ చేసేముందు 1 నిమిషం advertisement చూడాలి అంతే. tuitalk అనే సైట్ లో రిజిస్టర్ చేసుకొని వాళ్ళ dialing software డౌన్ లోడ్ చేసుకోండి.తర్వాత ఫోన్ చేయడమే. ఎన్నిరోజులు వుంటదో తెలీదు కాని నాకయితే ఒక వారం రోజులుగా పనిచేస్తోంది. వాయిస్ క్వాలిటీ ఓ.కే.

The Band's Visit- a wondeful movie

2009-01-11T14:23:00.000-08:00

We come across beautiful things in life unexpectedly.నేను ఏదో DVD చూస్తుంటే ఈ మూవీ ట్రైలర్ చూసా. ట్రైలర్ నచ్చి Blockbuster లో తెప్పించుకొని చూసాక అర్థమయింది accidental గా అయినా wonderful movie చూసా అని. ఇది Israeli మూవీ.సినిమా మొత్తం ఇంగ్లీష్,హీబ్రూ,అరబిక్ లో నడుస్తుంది. ఇంగ్లీష్ లో డైలాగ్ లేనప్పుడు సబ్ -టైటిల్స్ ఇంగ్లీష్ లో వస్తాయి.
కథ: ఓ ఈజిప్టు పోలీస్ బ్యాండ్ ఇజ్రాయిల్ లో అరబిక్ కల్చరల్ సొసైటీ opening ceremony కి ఇజ్రాయిల్ వస్తుంది. కాని airport లో వాళ్ళని receive చేసుకోవడానికి ఎవరూ రారు. వల్లే అక్కడికి వెళ్ళే ప్రయత్నం లో ఇజ్రాయిల్ లో ఓ మారుమూల ప్రదేశానికి వెళ్తారు. హోటల్స్ కూడా లేని అ ప్లేస్ లో ఓ రాత్రి వాళ్లు అక్కడ వున్నవారి ఇళ్ళలో వుండాల్సి వస్తుంది. ఆ రాత్రి ఎలా గడిచింది అన్నదే ఈ సినిమా.
ఈ సినిమా లో చేస్ లు ,ఫైట్లు ,పెద్ద పెద్ద డైలాగులు లేవు. అసలు మాటలే తక్కువ. మనం వేరే cultures,languages,religions నుండి వచ్చినా underlying human emotions ఒక్కటే అని చాలా subtle గా చూపించారు. అరబ్బులకి,ఇజ్రాయిల్ వాళ్ళకి అసలు పడకపోయినా one to one అందరికీ happiness,sadness,everyday problems are same అని చాలా బ్యూటిఫుల్ గా తీసారు.
ఈ సినిమా లో మరో highlight మ్యూజిక్ . చివర్లో వచ్చే అరబిక్ సాంగ్ చాలా meaningful. సినిమా అయిపోయినా ఆ పాటలు మనకు అలా గుర్తొస్తూనే వుంటాయి.

అలాగే ఆ సాంగ్ కి ఎవరో రాసిన అర్థం
My soul is blissful in the days spent in your arms
An eternal summer sun has brought back our forgotten days

Immortal days in a time when homesickness is sweet as honey
If I were to live this life all over again I wouldn't have changed a single second

Beautiful days where light shines freely
And the good that's between us fills our life with love and affection

అద్భుతం

2009-01-04T19:11:00.000-08:00

''Everyday holds the possibility of a miracle''
ఒక accident కారణంగా complete bed ridden ఐన ఒక అమ్మాయి రూమ్ లో నేను చూసిన quote ఇది. అద్బుతాలు రోజు జరగవు కాని every day holds that possibility కదా. ఇంత విషాదం లో కూడా ఆ అమ్మాయి తల్లితండ్రుల hope is admirable.

బుష్ కు పరాభవం

2008-12-20T14:19:00.000-08:00

ప్రసిడెంట్ బుష్ ఈ మధ్య ఇరాక్ పర్యటనకు వెళ్ళినప్పుడు ఓ జర్నలిస్ట్ అతనిపై shoes విసిరి తన కోపాన్ని వెళ్ళగక్కాడు. అది నచ్చిన వాళ్ళకు అతనో హీరో అయిపోయాడు. ఓ సౌది దేశస్తుడు ఆ shoes ని 10 మిలియన్ డాలర్లకు కొనడానికి offer ఇచ్చాడట. బుష్ అంటే అరబ్ ప్రపంచంలో ఎంత కోపమో ఇదో ఉదాహరణ మాత్రమే. ఐతే అమెరికా లో చెప్పులు విసిరితే మనం అనుకున్నంత అవమానంగా అనుకోరు. ఆ షూస్ ని బుష్ అంత easy గా తప్పించుకోవడం చూస్తే, అమెరికా అధ్యక్షులకి ఇలాంటి వాటి మీద training ఇస్తారా అని డౌట్ వస్తోంది :)
Youtube లో ఆ వీడియో

ఇందుకు అభినందనలా?

2008-12-14T19:15:00.000-08:00

వరంగల్ లో ఇంజినీరింగ్ చేస్తున్న ఇద్దరు విద్యార్థినుల మీద ముగ్గురు ఓ బైక్ లో వచ్చి ఆసిడ్ పోయడంతో వాళ్లకు తీవ్ర గాయాలయ్యాయి. ఈ సంఘటనతో మహిళా సంఘాలు, విద్యార్థి సంఘాలు ఇలా చాలా సంఘాలు ఆందోళనలు మొదలు పెట్టాయి. ముందే ఆ అమ్మాయి తల్లిదండ్రులు తమ కూతుర్ని వేధిస్తున్నారు అని కంప్లైంట్ ఇచ్చినా పట్టించుకోని పోలీసులు, ఈ సంఘటన జరిగిన 48 గంటల్లోనే నిందితులను పట్టుకున్నారంటే కాస్త అభినందించాల్సిందే. కాని మరో 6 గంటల్లోనే కాల్చేసి 'ఎన్ కౌంటర్' అనడమే ధారుణం. పోలీసులు చెప్తున్న కారణాలు ,జరిగిన తీరు వింటే చిన్న పిల్లాడైనా చెప్పగలడు ఇది కట్టు కధ అని. అంతకంటే బాధాకరం ఏంటంటే ప్రజలు, మహిళా సంఘాలు పోలీసులని అభినందిస్తున్నారట. ఆ ముగ్గురు చేసింది హేయమైన చర్యే కాని పోలీసులు తమ కష్టడీ లో వున్నవాళ్ళని చంపడం సమర్ధనీయం కాదు. ఇప్పుడు వాళ్లు చేసిన తప్పుకు సరైన శిక్ష అనిపించవచ్చు కాని మనది ఆటవిక న్యాయం కాదు కదా, వాళ్లు ఆసిడ్ పోసారు మేము చంపేసాము అనడానికి. పోలీసు వ్యవస్థ పని నేరస్తులను పట్టుకోవడం వరకే ,శిక్షించడం కాదు. రెండూ వాళ్ళే చేస్తే వారిని నియంత్రించేది ఎవరు? రాత్రి 12 గంటల సమయం లో వాళ్లు వాడిన బైక్ కోసం జన సంచరాం లేని ప్రదేశానికి తీసుకొని వెళ్ళాం, వాళ్లు మమ్మల్ని చంపడానికి ప్రయత్నించారు అందుకే చంపేసాము అనడం పచ్చి అబద్దం. ఇది దిగజారిన మన వ్యవస్థని మరింత దిగాజార్చడమే. మనుషులని చంపి తందూరీ లో పెట్టినవాళ్ళు, తాగిన మైకం లో కారు మనుషులపైన నడిపి చంపిన వాళ్ళని మనం ఏమీ చేయం కాని , ఇలాంటి వారికి మాత్రం తగిన న్యాయం జరిగిందని ఆనందిస్తాం . ఈ ముగ్గురు కూడా రాజకీనాయకుల కోడకులో, బాగా డబ్బున్నవాల్లో అయ్యుంటే ఇలా జరిగి వుండేదా.

ఒబామా

2008-11-08T18:03:00.000-08:00

అమెరికన్ ప్రజలకు ఇప్పుడు కావాల్సింది మార్పు అని చరిత్ర సృష్టించిన నాయకుడు ఒబామా. ఒబామా అమెరికా ప్రెసిడెంట్ అవడం వలన ఎవరికి ఎంత లాభం ఎంత నష్టం అన్నది ఓ 4 ఏళ్లకు కానీ తెలీకపోవచ్చు.
మన( ఇండియన్ )దృష్టి తో చూస్తే :
1. అమెరికా లో గ్రీన్ కార్డ్స్ కోసం wait చేస్తున్న వాళ్ళకి పెద్ద ఉపయోగం ఉండకపోవచ్చు. ఇప్పుడు మొదట అందరూ అంటున్నమాట ఎకానమీ... .ఎకానమీ ఇంప్రూవ్ అయినంతవరకు ఇమిగ్రేషన్ కి ప్రాధాన్యత వుండదు.
2. H1 visa కోటా పెరగడం కష్టమే ఎందుకంటే ఒబామా ఇంతకుముందే కోటా పెరగకుండా ఓటు వేసున్నాడు.
౩. Outsourcing కి కూడా ఒబామా వ్యతిరేకమే.
4. ఇరాక్,ఆఫ్ఘనిస్తాన్ లాంటి wars జరగకపోవచ్చు . కానీ ఆఫ్ఘాన్ యుద్ధం వలన ఇండియా కి లాభమే జరిగింది.
5. $ 200000 పైన సంపాదించేవాళ్ళకి tax పెంచడం వలన successful ఇండియన్స్ చాలా మందికి కాస్త నష్టమే.
6. Nuclear treaty లో పెద్ద changes వుండకపోవచ్చు.
కొన్ని పత్రికల్లో రాసినట్టు నాకయితే ఎగిరిగంతెసేంత ఉపయోగం ఐతే కనపడటం లేదు.

శౌర్యం

2008-11-02T15:43:00.000-08:00

టైటిల్ ,సినిమా పోస్టర్లను చూసి ఎలాంటి సినిమా నో వూహించుకోవడం కష్టం కాదు. సినిమా కూడా అలానే వుంది. ఇప్పుడు తెలుగులో పక్కా మాస్ సినిమాల హీరో అంటే గోపీచంద్ అని చెప్పుకోవచ్చు. ఈ సినిమా కూడా మాస్ సినిమాల ఫార్ములా తో నడుస్తుంది. హీరో, హీరోయిన్, విలన్, చెల్లి, సెంటిమెంట్ ఇలా. ఇలాంటి సినిమాలు చేసిన experience తో గోపీచంద్ లో ease కనపడుతుంది. అనూష్క మొదటి 1/2 లో మనకు ,హీరో కి కాస్త వినోదం పంచడానికి కనపడి తర్వాత తన అవసరం లేదని కనపడదు. జనాల్ని అలరించే ఫైట్స్ ,డైలాగులు చాలానే వున్నాయి. ఇలాంటి సినిమా సేఫ్ ప్రాజెక్ట్ అని హీరో, డైరెక్టర్, నిర్మాత అందరికీ ముందే తెలిసి వుంటుంది. రారాజు, ఒక్కడున్నాడు లాంటి సినిమాల experience తో గోపీచంద్ ఇలాంటి సినిమాల వైపే మొగ్గు చూపుతున్నట్టున్నాడు. కాని ఏ హీరో ఐనా ఒకే తరహా సినిమాలే తీస్తుంటే కొన్ని రోజులకు జనాలకు విసుగొచ్చి చూడకపోవచ్చు. శ్రీహరి, ఆర్.నారాయణమూర్తి లాంటి వాళ్ళే ఇందుకు ఉదాహరణ. ప్రేక్షకులు ఎలాంటి సినిమాలే కోరుతున్నారు కాబట్టి ఇలాంటివే చేస్తున్నాను అనడం బాగానే వుంది కాని వేరేవి చేస్తే కదా తెలిసేది చూస్తారో లేదో. ఒకటి ,రెండు పరాజయాలతో గోపీచంద్ లాంటి actor ఇలాంటి చట్రం లో ఇరుక్కుపోవడం కాస్త బాధ కలిగించే విషయం.

కొత్త బంగారు లోకం

2008-10-26T08:37:00.000-07:00

మన సినిమా వాళ్ళకు ఒక సక్సెస్ ఎలాంటి inspiration ఇస్తుందంటే అలంటి సినిమాలే వంద తీయమని.
బొమ్మరిల్లు సినిమా మొదటిలో backdrop లో వచ్చే మాటలు గుర్తున్నాయా, తండ్రి కొడుకుల గురించి. 'దిల్' రాజు గారికి అవి నచ్చేసినట్టున్నాయి. ఈ సినిమా కూడా ఇలానే మొదలవుతుంది. కాకపోతే జయసుధ గారి డబ్బింగ్. ఎవరైనా పాపను పైకి ఎగరేస్తే నవ్వుతుంది ఎందుకంటే కింద తల్లో,తండ్రో పట్టుకుంటారనే నమ్మకం అట. ఇలాంటి అనాలిసిస్ ఎవరిదో కాని, తెలుగు సినిమా వాళ్ళకే తెలుస్తాయి. అంతకంటే ఇంకా సినిమా లో కెళ్తే. ఇలాంటి టీనేజ్ లవ్ స్టోరీస్ మనం వందల్లో చూసాము. ఇంకా చూస్తాము కూడా అనుకుంటా. కథ, కధనం ఏదీ ఆసక్తికరం గాలేదు. అంతకంటే చివర్లో ఇచ్చే ట్విస్ట్ ,దాని explanation చూస్తే నవ్వొచ్చింది.హీరో , హీరోయిన్ నటన గురించి చెప్పుకోవడానికి ఏమీ లేదు. ఇక హీరోయిన్ కి డబ్బింగ్ ని చూసి తెలుగు భాష కి మనవాళ్ళు ఇచ్చే గౌరవం చూసి బాధ వేస్తుంది. తెలుగు ని ఎంత చెత్త గా మాట్లాడితే అంట స్టైల్ అనుకుంటా. మన భాష కి వేరే లాంగ్వేజ్ వాళ్ళతో డబ్బింగ్ చెప్పిస్తున్నారేమో స్టైల్ గా వుంటుందని. మొత్తానికి very disappointing మూవీ .

Wednesday ( movie)

2008-10-20T17:39:00.000-07:00

NRI అబ్బాయి, ఫారిన్ లోకేషన్స్, non stop nonsense సినిమాలు చూసి చూసి , హిందీ movies ఫాలో అవడం నిలిపేసి చాలా రోజులు అయింది. కానీ ఈమధ్య ఖాళీ గా వున్నప్పుడు కొన్ని సినిమాలు చూసి మంచివి కూడా మిస్ అయ్యాననిపిస్తుంది. మొదటగా చెప్పాల్సింది wednesday మూవీ గురించి.
టైటిల్ లో వున్నట్టే ఈ సినిమా ఒక రోజు జరిగిన సంఘటనల గురించి .ఇంకా చెప్పాలంటే 4 గంటల వ్యవధిలో జరిగిన సంఘటనలు అంతే. సినిమా నిడివి కూడా 1 1/2 గంటలు మాత్రమే. ఈ సినిమా గురించి చెప్పుకోవాల్సింది తీసిన విధానం. మొదటి సీన్ నుండి చివరి సీన్ వరకు మనల్ని కట్టిపడేస్తుంది. సినిమా అయిపోయాక గాని మనకు గుర్తు రాదు ఇందులో పాటలు కాని, హీరోయిన్ కానీ లేరని. ఈ సినిమా చూసాక నాకెందుకో హాలీవుడ్ మూవీ The insideman గుర్తొచ్చింది. రెండు సినిమాల కధల్లో similarities లేకపోయినా narration ఒకటే గా అనిపించింది. కొందరు ప్రతి indian తప్పకుండా చూడాల్సిన మూవీ అంటున్నా నాకు మాత్రం గొప్ప మూవీ కాకపోయీన మంచి మూవీ అనిపించింది. నసీరుద్దీన్ షా, అనుపమ్ ఖేర్ అందరూ చక్కగా నటించారు. ఇది తప్పకుండ డైరెక్టర్ నీరజ్ పాండే మూవీ.

బీడీ

2008-10-12T14:02:00.000-07:00

బీడీ
నా పెదవులతో బీడీ తాగాలన్న
చిరకాల వాంఛ తీర్చుకుందామనిపించి
కరీం బీడీ అనే కట్ట తీసి
అభిమానంగా అగ్గిపుల్ల వెలిగించా
నిప్పు అనే ఎరువు ని వేసి
దమ్ము అనే పంట కోసం ఎదురు చూసా
పీల్చి పీల్చి అలసిపోయాగాని
ఎంతమాత్రం దమ్ము రాదే
తిప్పి చూస్తే ఆగిపోయివుందే
ఒక్కసారిగా దుఖం ముంచుకొచ్చింది
దేదీప్యమానంగా వెలిగిపోయే బీడీ కాక
పుటుక్కున ఆరిపోయే బీడీ తెచ్చానని
తెలుసుకున్నా
నా తెలివితక్కువతనాన్ని నేనే
నిందించుకున్నా
ఆరిపోయిన బీడీ వంక దీనంగా చూసా
వృధా అయిపోయిన నా రూపాయిని చూసి
ఆక్రోశించా
నమ్మకము వంమయిపోయిందని వాపోయా
నిరాశ కసిగా మనసుని ఆక్రమిస్తూంటే
బాగా వెలిగే వేరే బీడీ కట్ట కోసం సాగిపోయా.
PS : ఇది అప్పుడెప్పుడో నేను tp.com లో బీడు అనే కవితని చూసి parady గా రాశాను.ఒరిజినల్ రచయిత్రి బాగా ఫీల్ అయినట్టున్నారు. తను ఏదో కవిత సీరియస్ గా రాస్తే నేను దానికి పిచి పేరడీ రాసానని.తర్వాత ఎప్పుడు రాయలేదు లెండి :) ఏవో పాత files చూస్తుంటే కనపడింది. ఇక్కడ మళ్ళీ పోస్ట్ చేస్తున్నా.

చింతకాయల రవి- పాత చింతకాయల రవి

2008-10-09T17:26:00.000-07:00

మొన్న శనివారం చింతకాయల రవి సినిమా చూసా. ఆ సినిమా దెబ్బకి తెలుగు సినిమా మొదటివారం లో ఇంక ఎప్పటికి చూడననుకుంటా. ఈ సినిమా చూస్తే ఇప్పటికీ మన సినిమా వాళ్లు తెలుగు ప్రేక్షకుడిని ఎంత తెలివిలేని వాళ్లు అనుకుంటున్నారో అర్థం అవుతుంది. హిందీ వాళ్లు ,తమిళ్ వాళ్లు ఇలాంటి సినిమాలు వదిలేసి కాస్త sensitive movies తీస్తుంటే మన వాళ్ల ధోరణి మాత్రం మారదు.
ఇలాంటి కధలు ఇప్పటికే వందల్లో వచ్చాయి కాబట్టి కధ గురించి చెప్పుకోవడానికి ఏమీలేదు.
ఒక పేరున్న హీరో, నలుగురో (డబ్బులుంటే పదిమంది) కమీడియన్లు, తల తోక లేని పది జోక్స్, ఫారిన్ లోకేషన్లు ఇదీ మన సినిమాల పరిస్థితి.
ఈ సినిమాలో కొన్ని ఆణిముత్యాలు .
1.హీరో గారు ఎంత మంచివాడో హీరోయిన్ కి తప్ప అందరికీ తెలుసు. అందరూ హీరో ని పొగడటానికే సినిమాలో కనబడుతారు. అమెరికా లో డాక్టర్లకి కూడా అదే పని. తెలుగు ని ఖూనీ చేస్తూ మాట్లాడే indian డాక్టర్ , american డాక్టర్, వేణు, అందరికీ అదే పని.. చివరికి సునీల్ కూడా కళ్ళలో నీళ్లు వస్తున్నాయి అంటూ ఈ సినిమా కి వెళ్ళినందుకు మనకూ నీళ్లు తెప్పిస్తాడు.
2. హీరో గారి గురించి తెలుసుకున్న హీరోయిన్ తండ్రి పెళ్లి cancel చేస్తే , హీరోయిన్ ఇంటికి హీరో రొటీన్ గా తాగి వెళ్లి అల్లరి చేయడం నిజమయిన హీరోయిజమే.
౩. తను మంచి వాడు అని చెప్పించడానికి అనుష్క వెంటపడి పిచ్చి పిచ్చి పనులు చేస్తుంటే మన జుట్టు పీక్కోవడం ఒక్కటే మిగిలింది.
4. సినిమా లో ఆలి వేషం, రోల్ ఏంటో అర్థమయితే ఒట్టు.
5. అమెరికా లో ఐనా toilet scene లాంటి absurd scenes వుండాల్సిందే.

సైనా నెహ్వాల్

2008-08-16T20:47:00.000-07:00

అభినవ్ బింద్రా మనకు ఒలంపిక్స్ లో గోల్డ్ మెడల్ తెస్తే అభినందనలు బాగానే అందుతున్నాయి. మెడల్ రాకపోయినా మంచి ప్రతిభ చూపిన సైనా నెహ్వాల్ కి కూడా అభినందనలు. 18 ఏళ్ళ సైనా ఒలంపిక్స్ క్వార్టర్ ఫైనల్స్ వరకు వెళ్ళడం చిన్న achievement కాదు. క్వార్టర్ ఫైనల్స్ లో చివరి సెట్ లో లీడింగ్ లో ఉండి కూడా ఓడిపోవడం కాస్త నిరాశకు గురిచేసింది. సైనా కి కోచింగ్ ఇచ్చిన పుల్లెల గోపీచంద్ కూడా ఒలంపిక్స్ లో 2 రౌండ్ దాటి వెళ్ళలేదు. Highly overrated సానియా మిర్జా కంటే సైనా మీద వచ్చే ఒలంపిక్స్ లో మెడల్ hope పెట్టుకోవడం ఉత్తమం. Better luck next time Saina.

అభినవ్ బింద్రా..

2008-08-11T16:54:00.000-07:00

అభినవ్ బింద్రా మొదటి సారి ఒలంపిక్స్ లో మన దేశానికీ వ్యక్తిగత విభాగం లో గోల్డ్ మెడల్ తెచ్చాడు. ఇది మన అందరికీ సంతోషకర వార్తే. 100 కోట్లు జనాభా గల దేశం ఒక మెడల్ కి మనం ఇంతగా సంబర పడుతున్నామంటే స్పోర్ట్స్ లో మన పరిస్థితి అంత దయనీయంగా వుండటమే కారణం . షరా మామూలు మన రాజకీయనాయకులు, రాష్ట్ర ముఖ్యమంత్రులు పోటీలు పడి వరాలు గురిపిస్తున్నారు. కరణం మల్లీశ్వరి, రాథోడ్ లాంటి వాళ్ళకు ఒలంపిక్స్ మెడల్ వస్తూనే ఇలా లక్షల్లో వరాలు కురిపించారు. దురదృష్ట వశాత్తు వాళ్లు మళ్ళీ ఆ వరాలతో స్పోర్ట్స్ ని మరచిపోయినట్టున్నారు. కరణం మల్లీశ్వరి ఐతే తర్వాతి ఒలంపిక్స్ టైం కి పోటీలో నిలబడలేనంత వొళ్ళు చేసిందట. మననాయకులు ఇప్పుడు ఇస్తున్న ప్రోత్సాహకాలు ఒలంపిక్స్ శిక్షణలో వున్న అథ్లెట్స్ కి ఇచ్చుంటే మరిన్ని పతకాలు వచ్చేవేమో. గుర్తింపు వచ్చినవాళ్ళకే మనం మరింత గుర్తింపు ఇస్తాము. మరి అలానే మన ఆటగాళ్ళు కూడా గుర్తింపు వచ్చాక ఆటను మరిచిపోయీ మిగతా విషయాల మీద శ్రద్ధ పెడుతారు. క్రికెట్ స్టార్స్ ,సానియా మిర్జా లాంటి వాళ్ళే ఇందుకు వుదాహరణ.అభినవ్ బింద్రా అలాకాకుండా మరిన్ని మెడల్స్ తెస్తాడని ఆశిద్దాం.

రెడీ

2008-08-09T05:45:00.000-07:00

శ్రీను వైట్ల దర్శకత్వం లో ఈ మధ్యే వచ్చిన 'రెడీ' సినిమా బాగా హిట్టయింది. శ్రీను వైట్ల మొదట ఆనందం సినిమా తో పేరు తెచ్చుకుంటే తర్వాత చాలా మూవీస్ అంతగా grip లేకుండా తీసాడు అనిపిస్తుంది. అందులో అందరివాడు మొదటిది. 'ఢీ' తో మళ్ళీ తనలోని positives, shortcomings తెలుసుకున్నట్టున్నాడు . అందుకే ఢీ, దుబాయ్ శీను ,రెడీ బాగానే హిట్ అయ్యాయి. రెడీ సినిమా కూడా ఢీ సినిమా కి కాస్త దగ్గరగా వుంటుంది. విలన్ ని వెర్రివాడిని చేసి వినోదం పంచడం ఈ రెండిటిలో common point. మన మాస్ హీరోల రొటీన్ ఫార్ములా కి different గా వుండటం వీటి ప్రత్యేకత. Establish ఐన హీరాల మూవీస్ అన్నీ మొదట fight, తర్వాత solo song,తర్వాత fight, song sequence లో నడిచి మధ్యలో కాస్త కథ వుంటుంది. కొన్ని సినిమాలలో ఐతే వాళ్ల వంశ చరిత్ర గురించి వుపన్యాసాలు కూడా వుంటాయి. మా తాతలు నేతులు తాగారు టైప్ లో. టికెట్ కొని ( u.s లో ఐతే దాదాపు $15 , 4 గంటలు టైం ) వాళ్ల సొంత డబ్బా చూడటానికా అనిపిస్తుంది. హీరో కంటే కథ, కధనం ముఖ్యం అనడానికి ఈ రెండు సినిమాలే ఉదాహరణ . రెడీ సినిమా లో కథ కంటే వినోదం పంచే కధనం ఆకట్టుకుంటుంది. E.V.V టైపు బూతు కూడా లేకుండా మంచి entertainer. ఇలాంటి మూవీస్ ఎన్నిరోజులు చూడగలమో తెలీదు కానీ , ఇప్పటికి శీను వైట్ల rules box office.

అమ్మకానికి M.P లు

2008-07-20T18:38:00.000-07:00

కాంగ్రెస్ , లెఫ్ట్ పార్టీల మధ్య అణు ఒప్పందం గొడవ ఈరోజు పార్లమెంట్ లో డబ్బులు జల్లడం తో ముగిసింది. ఇందులో ఎవరు ఎంత నిజం చెప్పుతున్నారో కనుక్కోవడం కష్టం కానీ అభాసు పాలయింది మాత్రం మన ప్రజాస్వామ్యమే. నేషనల్ పార్టీలు ,ప్రాంతీయ పార్టీలు అన్నీ దేశ భవిష్యత్తు కంటే తమ భవిష్యత్తే ముఖ్యం అని ప్రజలని వెర్రి వాళ్లు చేస్తే , T.V , మీడియా అన్నీ ఏక్తా కపూర్ సీరియల్ ( సాంస్, బహు ) లాగా మనకు నిమిషానికి ఒక ట్విస్ట్, టర్న్ ఇచ్చి రేటింగ్స్ పెంచుకున్నాయి. ఎప్పుడూ కత్తులు దూసుకొనే భా .జ.పా. , లెఫ్ట్ పార్టీలు ఫ్రెండ్స్ అయ్యాయి. చంద్రశేఖర్ రావు లాంటి అవకాశవాదులు తమ కోర్కెలకు , ఓటింగ్ కు లింకు పెట్టారు. ఇండిపెండెంట్లు తమ అదృష్టానికి తామే మురుసిపోయి ఎవరో ఒకరి దగ్గరి దగ్గరు డబ్బులు తీసుకుని ( 20 కోట్ల నుండి 100 కోట్ల వరకు ) ఏదో ఒక గ్రూపు లో చేరిపోయారు. మనం మాత్రం ఏమి చేయగలం జై హింద్ అనడం తప్ప. ఏదో ad లాగా It happens only in India.

జానే తు.....జానే న.

2008-07-06T10:17:00.000-07:00

అబ్బాస్ టైరేవాల డైరెక్షన్ లో వచ్చిన ఈ సినిమా యువత కోసం ,యువ నటుల తో తీసినది. కథ కంటే కధనం ,వినోదం కోసం ఈ సినిమా చూడొచ్చు. ఆమీర్ఖాన్ మేనల్లుడు ఇమ్రాన్ ఖాన్ మొదటి సినిమా ఇది. మొదటి సినిమా ఐనా కొత్త అనిపించకుండా బాగా చేసాడు. జెనీలియా కి ఇది మొదటి హిందీ సినిమా.ఇందులో జెనీలియాది అల్లరి అమ్మాయి పాత్ర. ఇంతకుముందు కూడా బొమ్మరిల్లు లాంటి సినిమాలలో చేయడం వలన ఆమెకి ఇది బాగా అలవాటైన రోల్. అబ్బాస్ టైరేవాల ఇంతకుముందు చాలా హిట్ సినిమాలకు స్క్రిప్ట్ అందించిన అనుభవం తో స్క్రిప్ట్ మీద బాగా శ్రద్ధ పెట్టాడు . ఈ సినిమా చూస్తున్నంత సేపు మనకు తివిక్రం శ్రీనివాస్ స్క్రీన్ ప్లే రాసినట్టు అనిపిస్తుంది. కొన్ని సన్నివేశాలు కూడా మనకు తెలుగు సినిమాలను గుర్తు చేస్తాయి. అమ్మాయి ని రౌడీలు ఏడిపిస్తుంటే హీరో రక్షించే సీన్ గుడుంబా శంకర్ ని గుర్తుచేస్తుంది. అలాగే మల్లేశ్వరి లోని ఒక సీన్ కూడా వుంది. ఎ.ఆర్.రెహ్మాన్ సంగీతం రెండు సార్లు వింటే నచ్చుతుంది. మొత్తానికి ఈ సినిమా మంచి ఎంటర్ టైనర్ .ఆమీర్ఖాన్ ప్రొడక్షన్స్ కి మరో హిట్ .

మత రాజకీయాలు

2008-07-02T20:06:00.000-07:00

అమరనాథ్ దేవాలయానికి వంద ఎకరాల భూమి ఇవ్వడము కాశ్మీరు లో రాజకీయ సంక్షోబానికి దారి తీసింది . ముఫ్తీ మహమద్ సయీద్, అతని కూతురు మహబూబ లకు కోపం వచ్చి కాంగ్రెస్ ప్రభుత్వానికి మద్దతు వుపహరించుకున్నారు. అలామద్దతు వుపహరించడానికి వాళ్ళు చెప్పిన కారణం ఆ వంద ఎకరాల భూమి లో హిందువులు ఎక్కువయి demographic composition మారుతుందట .మరి కాశ్మీర్ హింస కారణంగా వేళల్లో కాశ్మీరీ పండితులు వలసపోయినప్పుడు వీళ్ళు ఏమయ్యారు?

'చిరు' చిందులు

2008-06-26T19:17:00.000-07:00

ఓ రేజర్ కంపనీ వాళ్ళు ఈ వీడియో లో మీ తల తగిలించి ఆనందించండి అంటే మన 'మెగా స్టార్' ఐతే బావుంటాది అని చిరు ని పెట్టా :) ఎలా వుంది అంటారు?

తెలంగాణా రాజకీయాలు

2008-06-24T19:53:00.000-07:00

తెలుగుదేశం లో చంద్రబాబు తర్వాత నెం.2. గా వెలుగుతున్న దేవేందర్ గౌడ్ పార్టీ కి రాజీనామా చేసి తెలంగాణా కోసం పోరాడుతాను అంటూ ప్రకంటించారు. కొత్తగా పార్టీ పెడుతార లేక తె.రా.స తో కలుస్తారా తెలవాల్సి వుంది. కొత్త పార్టీ పెడితే ఇప్పటికే తెలంగాణా రాష్ట్ర సమితి, తెలంగాణా రాష్ట సమితి (అసమ్మతి) , తల్లి తెలంగాణా ఇలా రోజుకో పార్టీ వస్తే ఎవరికి ఓటు వెయ్యాలో నిజమయిన తెలంగాణా ప్రజలకు కష్టమే. ఇంకా చిరంజీవి కొత్త పార్టీ పెడితే బ్యాలట్ పేపర్ ఒక్కటి కాకూండా 2.-౩ ప్రింట్ చేయాలన్నమాట.

హిందూ ఆత్మాహుతి దళం?

2008-06-21T19:30:00.000-07:00

శివసేన నాయకుడు బాల్ థాకరే గారు మళ్ళీ హిందూ ఆత్మాహుతి దళాలు కావాలని సెలవిచ్చారు. ముస్లిం తీవ్రవాదులని ఎదుర్కోవడానికి ఇదొక్కటే మార్గం అన్నట్టు. మరి థాకరే గారు హిందూ ప్రజా సంరక్షకులు అనుకొందామంటే ఇంకో ఇబ్బంది వుంది. ఎందుకంటే థాకరే గారి ప్రకారం ముంబై లో మరాఠీ ప్రజలే వుండాలి. వారికే అన్ని వుద్యోగాలు ఇవ్వాలి.బీహార్ నుండి వచ్చేవాళ్ళు మనుషులే కాదు అన్నట్టు . మరి బీహార్ నుండో తమిళనాడు నుండో వచ్చిన హిందువులు ఆత్మాహుతి దళం లో సభ్యులా కాదా? మరి థాకరే గారి క్రెడిబిలిటీ ఎంతో ఆయనకే తెలవాలి.

ఉప ఎన్నికల ఖర్చెంత?

2008-06-01T15:55:00.000-07:00

తె.రా.స. అధ్యక్షుడికి వున్నట్టుండి కేంద్ర ,రాష్ట్ర ప్రభుత్వాలు తెలంగాణ రాష్ట్రం గురించి (తె.రా.స. నాయకున్నయినా కావచ్చు) పట్టించుకోవడం లేదని , చూడండి నా తడాఖా అంటూ ఉప ఎన్నికలు తెచ్చారు. ఇప్పటికి ఎలక్షన్లు అయిపోయాయి ,రిజల్ట్స్ కూడా వచ్చేసాయి. గెలిచిన వాళ్లు సంబరపడుతుంటే, ఓడినవాళ్ళు మొహాలు చాటేస్తున్నారు. కాని ఇలా ఆరు నెలలకోసారి దేశం లో నాయకులు ఇష్టం వచినట్టు ఎలక్షన్లు తెస్తే అయ్యే ఖర్చు భరించేది ఎవరు? దురదృష్ట వశాత్తు ఇలా ఇష్టారాజ్యంగా రాజీనామాలు చేసే వాళ్లు మళ్ళీ నిలబడకుండా ఎలాంటి రూల్స్ లేవు. కనీసం ఆ ఖర్చు వాళ్ళే భారిచేలా చేసినా బాగుండు. ఈ ఎన్నికల కోసం కోట్లు కుమ్మరించిన నాయకులు ఇప్పుడు వాటికి పదింతలు రాబట్టడానికి ప్లాన్లు తయారచేస్తుంటారు. అసలే టైం తక్కువుంది.

రాహుల్ గాంధీ మన కాబోయే ప్రధానమంత్రా?

2008-05-28T20:16:00.000-07:00

రాహుల్ గాంధీ ని కాంగ్రెస్ తరపున వచ్చే ఎన్నికలలో ప్రధానమంత్రి అభ్యర్థి గా ప్రకటించాలని అర్జున్ సింగ్ లాంటి వాళ్లు కొత్త పాట మొదలు పెట్టారు ఈమధ్య. రాహుల్ గాంధీ కి ప్రధమంత్రి కావడానికి చాలానే అర్హతలున్నాయి. రాజీవ్ గాంధీ, సోనియా గాంధీ కొడుకు, ఇందిరాగాంధీ మనవడు, నెహ్రు కి ముని మనవడు ... అబ్బో చాలానే. ఇంతకంటే ఏమి కావాలి. ఇంతవరకు ఒక సారే పార్లమెంట్ కి ఎన్నికయ్యాడు . అయినా అది మరీ అంత అవసరమయిన విషయం కాదు లెండి . ప్రియాంకా గాంధీ కి కొడుకు పుడితే కాబోయే నాయకుడు అని స్వీట్స్ పంచుకున్న వాళ్ళకి ఇలాంటి వాటితో పని ఏముందిలే. రాహుల్ గాంధీ పేరుతో ఏదో ఒక పధకం పెట్టడానికి మన రాజశేఖర్ రెడ్డి ఎలాను వున్నాడు.

babies laughing

2008-05-21T19:17:00.000-07:00

this is a funny video about 4 small babies laughing at the same time. worth watching.

మరో ధారుణం

2008-05-18T18:22:00.000-07:00

మరో చోట బాంబులు. మారో సారి సామాన్య జనాల ప్రాణాలు ఆహుతి అయిపోయాయి. పోలీసులు,రాజకీయనాయకులు అందరూ ఇది తీవ్రవాదుల పని అన్నారు. పత్రికలూ రెండు రోజులు మొదటి పేజీల్లో రాసి మరచిపోయాయి.. మనం కూడా అప్పటికి పేపర్లలో చదివి అయ్యో అనేసి మరచిపోయాం. ఇంకోసారి ఇలాంటి సంఘటన జరిగేంతవరకు మనకు తీవ్రవాదం గుర్తుకురాదు. ఎందుకంటే మన దేశం లో ప్రాణానికి అంత విలువ లేదు కాబట్టి.
ఈ తీవ్రావాదులో ఎవరో కూడా బాగా తెలుసుకున్నారు. పెద్ద నాయకుల్ని హత్యచేస్తే పట్టుబడే అవకాశాలు ఎక్కువ. రాజీవ్ గాంధీ ని చంపినవాళ్ళు దొరికారు, ఇందిరాగాంధీ ని చంపినవల్ల ని కూడా పట్టుకున్నారు. ఢిల్లీ లో ,హైదరాబాద్ లో బాంబులు పెట్టినవాళ్లు ఏమయ్యారు, వారణాసి లో బాంబులు పెట్టినా మనకు అసలు ఏమీ పడదు.

మరి ఇలాంటి సంఘటనలు జరగకుండా ఆపే బాధ్యత ఎవరిది?
అసలు ఇలాంటివి జరిగిన మరుసటి రోజే ఏమీ జరగనట్టు సాధారణ పరిస్థితి నెలకొంటుంది . ఇది చూసే న్యూయార్క్ టైమ్స్ రైటర్ అంటాడు ఇది Indifference or resilience ? నాకయితే మొదటిదే కరెక్ట్ అనిపిస్తుంది. రోజు తీవ్రవాదుల మధ్య బ్రతుకుతూ వారితో పోరాడే ఇజ్రాయిల్ వాళ్ళది resilience .
ప్రపంచం లో తీవ్రవాదం తో అత్యధికంగా నష్టపోతున్నది ఇండియా కాని మనకు తీవ్రవాదం ఎదుర్కోవడానికి ఒక comprehensive plan లేదు. మనకు, మన నాయకులకు ఇలాంటివి అసలు ఆలోచించడానికి టైం ఎక్కడ? బాలీవుడ్ , IPL ఇవి అంతకంటే చాలా ముఖ్యం.

ఉగాది తర్వాత .

2008-05-12T17:33:00.000-07:00

గత ఆరు నెలలుగా చలిదుప్పటి కప్పేసి చితికిపోయిన చెట్లు కాస్తా ఆకులు తెచ్చుకుంటే బాగానే వుంది. మా అపార్ట్ మెంట్ వాడు స్పెషల్ వ్యూ అంటూ ఇంకో యాభై డాలర్లు లాగడం మాత్రం బాధే :)

పరుగు

2008-05-04T19:52:00.000-07:00

ఈ శుక్రవారం పరుగు సినిమా చూసాను. సినిమా టైటిల్ మాత్రమే పరుగు. మొదటి భాగం అంతా నింపాదిగా ఒకే ఇంటి బేస్ మెంట్ లో నడుస్తాది :)

హర్భజన్ సింగ్ కి క్రమశిక్షణ అవసరమా?

2008-04-27T18:59:00.000-07:00

హర్భజన్ సింగ్ మళ్ళీ వార్తల్లోకి ఎక్కాడు ..ఈసారి శ్రీశాంత్ ని కొట్టి. అప్పుడు సైమండ్స్ ని తిట్టినప్పుడు చంకనెక్కించుకున్న బోర్డు, ఫాన్స్,మీడియా ఎప్పుడు ఏమిచేయాలో తెలీక తలలు పట్టుకుంటున్నారు. మరి వేరే దేశం వాడిని తిడితే గొప్ప, మన వాడిని కొడితే తప్పు కదా. ఇప్పుడయితే కొట్టివూరుకున్నాడు. తర్వాత తర్వాత ఏమి చేస్తాడో,కొరుకుతాడో, తన్నుతాడో, గిచ్చుతాడో.. భళా హర్భజన్ సింగ్. జై క్రికెట్ బోర్డ్ ఆఫ్ ఇండియా. జై క్రికెట్ ఫాన్స్.

న్యూయార్క్ ఫోటోలు

2008-04-15T18:36:00.000-07:00

ఈవారం న్యూయార్క్ కి నాలుగు రోజుల ట్రిప్ వేశా..... ఎన్నిసార్లు వెళ్ళినా నాకు బాగా నచ్చిన ప్లేస్ టైం స్క్వేర్ ... అక్కడి ఫోటోలు కొన్ని.......

ఉగాది శుభాకాంక్షలు

2008-04-07T09:20:00.000-07:00

చాలా రోజుల తర్వాత నా బ్లాగ్ గుర్తొచ్చింది....నా స్మృతి అలా మతిమరుపు అయ్యింది. ఏమయితేనేమి మళ్ళీ ఉగాది రోజున మొదలు పెడుతున్నా....అందరికీ సర్వధార సంవత్సర శుభాకాంక్షలు.
బ్లాగర్లో ఈ మధ్య చాలా మార్పులు చేసారు . తెలుగులో బ్లాగ్ చేయడం బాగా సులువు అన్నమాట. ముందయితే బాగా కష్టం అయ్యేది. కానీ ఇందులో ఇంగ్లీష్ పదాలు పెట్టడం ఎలా అబ్బా? .......

చెలియ చెలియా

2006-07-04T00:30:00.000-07:00

మన సినిమా నిర్మాతలు కానీ , మణిశర్మ కానీ ఈ వీడియో ఇంకా చూసినట్లు లేరు. లేకుంటే ఇప్పటికే international సింగర్ అని సినిమాలలో పాటలు పాడించేసి ఉండేవారు.

powers of ten

2006-06-28T18:05:00.000-07:00

పవర్స్ ఆఫ్ టెన్ - ఈ వీడియో గురించి చెప్పడం కంటే మీరే చూడండి తెలుస్తుంది... ఆశ్చర్యపోవడం వరకే మనవంతు...

అంకురం

2006-06-26T19:07:00.000-07:00

మధురం పాట విన్నాక ఎందుకో ఎప్పుడో విన్న అంకురం పాట గుర్తొచ్చింది...
ఉమామహేశ్వర రావు ఇంత మంచి సినిమా తీసి తర్వాత ఎందుకు అలా చెత్త సినిమాలు తీసాడో అర్థం కాదు....నటుల కోసం కాకుండా కథ కోసం తీయబడిన సినిమా....
మంచి అందమయిన పాట...రచయిత సిరివెన్నెలేనా?

ఎవరో ఒకరు, ఎపుడో అపుడూ....
నడవరా ముందుగా ......
అటో.. ఇటో.. ఎటో .. వైపు

మొదటి వాడు ఎప్పుడూ ఒక్కడే మరీ
మొదటి అడుగు ఎప్పుడూ ఒంటరే మరీ
తెలుప వచ్చు వాళ్లకు బాట అయినదీ

కదలరు ఎవ్వరూ నీ కూత వచ్చినా
అనుకొని కోడి కూత నిదురపోదుగా
జగతి మేలుకొలపు ఆగిపోదుగా...

మధురం

2006-06-15T20:07:00.000-07:00

ఆ మధ్యయెప్పుడో రిలీజ్ అయిన రాంగోపాల్ వర్మ సినిమా 'షాక్' నిన్న పొద్దుపోక చూస్తూంటే ఓ పాట బాగా నచ్చింది...
మధురం.....మధురం. మధురం....మధురం.. మధురం...మధురం...
ప్రణయం మధురం. కలహం మధురం....
క్షణమో సగమో విరహం మధురం...
సరసం మధురం...విరసం మధురం...

ఇలాసాగుతుంది....... అవన్నీ మధురమో కాదో నాకు తెలీదు కానీ ఆ పాట మాత్రం మధురం.
షాక్ అని ఇంగ్లీష్ టైటిల్ పెట్టిన సినిమాలో ఇంత అందమయిన తెలుగు పాట ఉండటం ఆశ్చర్యమో.......

మనసులో మాట

2006-04-17T20:53:00.000-07:00

కొన్నాల్ల క్రితం ఈనాడు పేపరులో ఇద్దరు ఆడవాళ్ళ మధ్య జరిగిన వింత పెళ్ళి అంటూ ఓ వార్త వచ్చింది.చాలా దేశాలలో ఇది సాధారణమే కదా అని నేను మరీ అంతగా ఆశ్చర్యపోలేదు. కానీ వాళ్ళు అలా పెళ్ళి చేసుకోవడానికి చెప్పిన కారణమే కాస్త అయోమయానికి గురిచేసింది.... మగవాల్లపైన కోపంతో వాళ్ళిద్దరూ పెళ్ళి చేసుకున్నారట..అలా చేస్తే మగజాతి పైన కక్షసాధించినట్టా? అలా కాకుండా ఇద్దరూ ఇష్టపడి చేసుకున్నాం అంటే బావుండేదేమో.... ఎవరి ఆలోచనలువారివిలే... నాకయితే ఆడవారిపైన కోపంతో ఇంకో అబ్బాయిని పెళ్ళి చేసుకొనే ఆలోచనలేదు.... :)

మనలో మాట

2006-04-02T08:15:00.000-07:00

అడుక్కుని అయినా ప్రజల అవసారాలు తీరుస్తామని మన ముఖ్యమంత్రి రాజశేఖర రెడ్డి గారు ఇందిరమ్మ సభలో ప్రకటించారట...

ఈ పథకం పేరేంటబ్బా ? " రాహుల్ జోలెబాట?"

ఔను కదా.....

2006-04-01T16:39:00.000-08:00

సాధారణంగా పత్రికల ఇంటర్వూలకు దూరంగా ఉండే అమీర్ ఖాన్ ఈ మధ్య టెహల్కా.కాం కి ఓ ఇంటర్వూ ఇచ్చాడు. అదృష్టవశాత్తు అది మన so called STARS egotist చెత్త కాకుండా అలోచింపజేసేలా ఉంది.
అందులో కొన్ని నాకు నచ్చిన ఆలోచనలు :

First of all, it’s meant to be a watchdog of society not a lap dog! Very broadly speaking, I feel the media has a grave responsibility as far as news reporting is concerned.

Things that are headline news now used to be tidbits or half a page meant to be entertaining. Now that’s the main story while farmers dying are being pushed to small, unimportant sections .

Celebrity marriages, lost dogs, drunken brawls. Trivial headline news and the sellout of mainstream journalism.

మల్లికా శరావత్ వొంపులు, మనీషా బాయ్ ఫ్రెండ్, త్రిషా చిందులు ఇవీ మన వార్తా పత్రికల ముఖ్యాంశాలు.......

ఓ సినిమా ఫోటో.......

2006-03-21T15:46:00.000-08:00

పోకిరి అని factionist ఫేస్ పెట్టిన మహేష్ బాబు :) ఏంటో మన తెలుగు సినిమా వాళ్ళు ఎప్పటికీ అర్థం కారు ......

గూగుల్ తో ఓ రోజు

2006-03-14T19:07:00.000-08:00

ఆంధ్రులు ఆరంభశూరులు అనడానికి నేను కూడా ఓ గొప్ప ఉదాహరణ అన్నమాట.ఆ మధ్య ఎప్పుడో బ్లగు మొదలు పెట్టి రెండురోజులు ఉత్సాహంగా రాసి తిరిగి ఇప్పుడే దీని మొహం చూడటం. ఈ మధ్యకాలంలో నేను చేసిందేంటంటే గూగుల్ వీడియోలు చూసి ఆనందపడటం...ఈ గూగుల్ వీడియో అనేది పిచ్చోడి చెతిలో రాయిలాంటిది.ఎలా అయినా వాడుకోవచ్చు.creativity కి ట్రయినింగ్ లాంటివికాదు presence of mind ఉంటేచాలు అని ఆ వీడియోలు చూస్తే అర్థం అవుతుంది... అందులో నాకు బాగా నచ్చింది master card కి spoof (పేరడీ). original చేయడానికి ఎంత creativity అవసరమో పేరడీ కి కూడా అంతే creativity అవసరం.ofcourse మన తెలుగు సినిమాలలో లాగా రజనీకాంత్ బాషా సినిమాలో అన్న dialogue ని ఆలీ,వేణుమాధవ్ ఇలా ఎవరు పడితే వాల్లతో పేరడీ పేరుతో అపహాస్యం చేయడానికి అసలు బుర్రే అవసరం లేదనుకోండి. మరి ఈ వీడియో చూసి ఆనందించండి.

ps : ఇది పెద్దలకు మాత్రమే :)

డైరీ

2005-11-14T20:12:00.000-08:00

కొత్త పిచ్చోడు పొద్దెరగడు అన్నట్టు , కొత్త బ్లాగర్ గా రెండో రోజే ఇంకో పోష్టు చేస్తున్నా.
నాకు చిన్నప్పటి నుండి డైరీ రాయాలనే బలే కోరిక ఉండేది. 10th లో ఉన్నప్పుడు రాయడానికి ప్రయత్నించా. దాన్ని డైరీ అనే కంటే లాగ్ బుక్ అనడం బెటర్ ఏమో... ఈరోజు 9 గంటలకే నిద్ర లేచా...7 గంటలకు సినిమా చూసా...ఇలా ఉండేవి నా ఎంట్రీలు......అవి ఇప్పుడు చదివితే నాకే నవ్వొస్తాది...ఇప్పుడు డైరీ రాయాలంటే ఓపిక లేదు. అంతకు మించి నన్నే ఇబ్బంది పెట్టే నిజాలు రాసే ధైర్యం కూడా లేదు..డెరీ లో కూడా ఆత్మవంచన చేసుకోవాల్సివస్తుందేమో అని భయం.

డైరీ అంటే నామిత్రుడు రాజ్ (కలం పేరు సలీం ) తెలుగు పీపుల్.కాం లో ఒక అందమయిన కవిత రాసాడు. కవిత్వం ఒక అనుభూతి ని పంచితే ఎలా ఉంటుందో ఈ కవిత చదివితే తెలుస్తుంది.
డైరీ

ఎప్పుడో ఎక్కడో పోగొట్టుకున్న 'నన్ను' ని
ఈ కాగితాల్లోనే రోజూ వెతుకుతూ ఉంటాను
అనంతాలలో పారేసుకున్న అనుభూతుల వెచ్చదనాన్ని
ఈ కాగితాల్లోనే దాచుకుని నిత్యం తడుముతూ వుంటాను

ఎన్నో ఆశలు, ఎన్నో ఆశయాలు
ఎన్నోఆదర్శాల ఆవేశాలు
ఈ కాగితాల్లోనే రెప రెపలాడాయి

ఎన్నో కలలు కన్నీరై
ఎన్నో ప్రేమలు స్మృతిగీతాలై
ఈ కాగితాల్లోనే ఇంకుచుక్కలై ఇంకిపోయాయి

రాయాలని రాయలేక
రాయకుండా వుండలేక
పుటపుటకి ఎన్నోపురిటి నెప్పులు
ఈకాగితాల్లోనే పూర్తికాకుండా నిలిచిపోయాయి

కలకాలం నిలువలేక
కలిసి నాతో రాలేక
కదిలిపోయిన వసంతాలెన్నో
ఈ కాగితాల్లోనే పూలరెక్కలయి మిగిలి పోయాయి

నేటి 'నేడు' ని రేపటి 'నాడు' గా రాసుకోడానికి
ఈ కాగితాల్ని రొజు సవరిస్తూవుంటాను
ఎప్పుడో ఎక్కడో పోగొట్టుకున్న 'నన్ను' ని
ఈ కాగితాల్లోనే రోజూ వెతుకుతూ ఉంటాను.

ఒరిజినల్ పోష్టు, కామెంట్స్ చూడాలనుకుంటే ఈ లింక్ చూడండి.
http://www.telugupeople.com/discussion/article.asp?id=13074

నాదీ బ్లాగేనంటారా ?

2005-11-13T21:16:00.000-08:00

చాలా రోజులుగా బ్లాగింగ్ గురించి వినడమే కానీ ఎప్పుడూ ప్రయత్నించలేదు. so ఈ రోజు అలా గూగుల్ లో తెలుగు బ్లాగ్ అని search చేస్తే చాలా నే కనపడ్డాయి. అందులో sahiti.org blogs లో మురళి గారి బ్లాగ్స్ బాగా నచ్చాయి. అలా ఆ inspiration తో చేస్తున్న ప్రయత్నమే ఈ బ్లాగ్.

"స్మృతి" అని యెందుకంటారా.....నాకు మతిమరుపు ఎక్కువ. అదే కదా paradox of life. నా మతిమరుపు కి అందమయిన పేరు ఇచ్చుకున్నా...ఈ పేరు తోనే మా high school get together జరుపుకున్నాం.. మా college సావనీర్ కి కూడా అదే పేరు.....అలా "స్మృతి" పథంలో వుందనమాట.

ఇంతకు ముందు telugupeople.com లో బాగా పాల్గొనేవాణ్ణి కాని ఇప్పుడు అక్కడ discussions కంటే fights ఎక్కువ నడుస్తుంటాయి..అక్కడ నాకు నచ్చిన కవితలు..ఆర్టికల్స్ గురించి ఇంకోసారి చెప్తాను...:).
fall colors కొన్ని ప్రదేశాల్లో చాలా బావుంటాదని వినటమే కానీ ఎప్పుడూ చూడలేదు...అందుకని మా ఇంటి ముందు colors ఫోటో తీసా.ఎలా వుందంటారు?